Browsing all articles in Jagjit Singh
 

Raat Khamosh Hai – Jagjit Singh

Singer : Jagjit Singh

Poet : Hari Ram Acharya

 

Raat khamosh hai chand madhosh hai
Thaam lena mujhe jaa raha hosh hai

Milan ki dastan  dhadkano ki zubaan
Gaa rahi hai  jhami  sun raha aasman

Gungunati hawa hui  de rahi hai sada
Sard is raat ki garm aagosh hai

Mahakati ye fizaan jaisi teri adaa
Chha raha ruh par jane kaisa nasha

Zumtaa hai jahaan  ajab hai ye samaa
Dil ke gulzaar me ishq purjosh hai

Shaam Se Aankh Me – Jagjit Singh

Singer – Jagjit Singh

Poet – Gulzar

shaam se aankh mein nammi si hai
aaj phir aap ki kami si hai
shaam se aankh mein nami si hai

dafan karr do humme ke sans mille
nabaj kuch derr se thami si hai
aaj phir aap ki kammi si hai

waqt rehta nahin kahi tikk karr
iski aadat bhi aadami si hai
iss ki aadat bhi aadami si hai
aaj phir aap ki kammi si hai

koi rishta nahin raha phir bhi ek tasvir lajmi si hai
shaam se aankh mein nammi si hai
aaj phir aap ki kammi si hai

Tum Itna Jo Muskura Rahe Ho – Jagjit Singh

Singer – Jagjit Singh

Poet – Kaifi Aazmi

 

Tum Itna Jo Muskura Rahe Ho
Kya Gham Hai Jisko Chhupa Rahe Ho

Aankhon Mein Nami, Hansi Labon Par
Kya Haal Hai Kya Dikha Rahe Ho

Ban Jayenge Zehar Peete Peete
Yeh Ashq Jo Piye Ja Rahe Ho

Jin Zakhmon Ko Waqt  Bhar Chala Hai
Tum Kyon Unhe Chhedhe Ja Rahe Ho

Rekhaon Ka Khel Hai Muqaddar
Rekhaon Se Maat Kha Rahe Ho

Jhuki Jhuki si nazar – Jagjit Singh

Singer – Jagjit Singh

Poet –   Kaifi Azmi

Jhuki Jhuki Si Nazar Beqaraar Hai Ke Nahi
Daba Daba Sa Sahi Dil Mein Pyar Hai Ke Nahi

Tu Apne Dil Ki Jawaan Dhadkano Ko Gin Ke Bata
Meri Tarah Tera Dil Beqarar Hai Ke Nahi

Wo Palken Jis Mein Mohabbat Jawaan Hoti Hai
Us Ek Pal Ka Tujhe Intezaar Hai Ke Nahi

Teri Umeed Pe Thukra Raha Hu Duniya Ko
Tujhe Bhi Apne Pe Ye Aitbaar Hai Ke Nahin

Hosh Walon Ko – Jagjit Singh

Singer – Jagjit Singh

Poet –               

Hoshwalon ko khabar kya bekhudi kya chijh hai
ishq kije fir samajiye jindagi kya chijh hai

unse najare kya mil roshan fizaaye ho gai
aaj jana pyar ki jadugari kya chijh hai
ishq kije fir samajiye jindagi kya chijh hai

khulati zulfon ne sikhai mosamo ko shayari
jukati aankhon ne bataya mayakashi kya chijh hai
ishq kije fir samajiye jindagi kya chijh hai

ham labon se kah na paye unase haal-e-dil kabhi
aur wo samjhe nahi yah khamoshi kya chijh hai
ishq kije fir samajiye jindagi kya chijh hai

ful khilte hai baharo ka sama hota hai
aise mausam me hi to pyar javan hota hai
dil ki baaton ko hothon se nahi kahte
ye fasana to aankho se bayaan hota hai

Pyar Ka Pahela Khat Likhne Me – Jagjit Singh

Singer – Jagjit Singh

Poet –  Upendra Nirala  

Pyar ka pehla khat likhne mein waqt to lagta hai,
Naye parindon ko udne mein waqt to lagta hai…

Jism ki baat nahi thi un ki, dil tak jana tha,
Lambi duri tai karne me, waqt to lagta hai..

Gaanth agar lag jaye to phir, rishte ye dori,
Lakh kare koshish khulne me, waqt to lagta hai..

Hamne ilaaz-e-jokhm e dil to, dhundh liya lekin,
Gahre zakhmo ko bharne me, waqt to lagta hai.

Aate Aate Mera Naam Sa Rah gaya – Jagjit Singh

Aapko dekh kar dekhta rah gaya
Kya kahu aur kahne ko kya rah gaya

Aate aate mera naam sa rah gaya
uskke hothon pe kuchh kaanpta rah gaya

Woh mere samne hi gaya aur main
Raste ki tarah dekhta rah gaya

Jhut wale kahin se kahin badh gaye
Aur main tha ki sach bolta rah gaya

uskke hothon pe kuchh kaanpta rah gaya
Aate aate mera naam sa rah gaya

Kiska chehra – Jagjit Singh

Singers –  Jagjit Singh & Alka Yagnik

Poet –

Chaand Bhi Dekha Phool Bhi Dekha
Baadal Bijli Titli Jugnu Koi Nahin Hai Aisa
Tera Husn Hai Jaisa

Meri Nigaah Ne Ye Kaisa Khwaab Dekha Hai
Zameen Pe Chalta Hua Mahatab Dekha Hai

Meri Aankhon Ne Chuna Hai Tujhko Duniya Dekhkar
Kiska Chehra… Kiska Chehra Ab Main Dekhoon
Tera Chehra Dekhkar
Meri Aankhon Ne Chuna Hai Tujhko Duniya Dekhkar

Neend Bhi Dekhi Khwaab Bhi Dekha
Choodi Bindiya Darpan Khushboo
Koi Nahin Hai Aisa Tera Pyaar Hai Jaisa

Meri Aankhon Ne Chuna Hai Tujhko Duniya Dekhkar
Kiska Chehra…  Kiska Chehra Ab Main Dekhoon
Tera Chehra Dekhkar
Meri Aankhon Ne 0Chuna Hai Tujhko Duniya Dekhkar

Rang Bhi Dekha Roop Bhi Dekha
Rasta Manzil Saahil Mehfil
Koi Nahin Hai Aisa Tera Saath Hai Jaisa

Meri Aankhon Ne Chuna Hai Tujhko Duniya Dekhkar
Kiska Chehra… Kiska Chehra Ab Main Dekhoon
Tera Chehra Dekhkar
Meri Aankhon Ne Chuna Hai Tujhko Duniya Dekhkar

Bahut Khoobsuat Hai Aankhein Tumhaari
Bana Dijiye Inko Kismat Hamari
Usay Aur Kya Chaahiye Zindagi Mein
Jise Mil Gayi Mohabbat Tumhari

Ye Daulat Bhi Le Lo – Jagjit Singh

Yeh Daulat Bhi Le Lo,
ye shoharat bhi le lo
bhale chhin lo mujhase meri javani
magar mujhko lauta do bachapan kaa savan
vo kagaz ki kashti, vo barish kaa pani

muhalle ki sabse nishani puraani
vo budhiya jise bachche kahate the naani
vo nanii ki baaton mein pariyon ka dera
vo chahare kii jhuriryon mein sadiyon ka phera
bhulaae nahin bhul sakta hai koi
vo chhoti si raten vo lambi kahani

kadi dhuup mein apane ghar se nikalana
vo chidiyaa vo bulabul vo titli pakadana
vo gudiyaa kii shaadii mein ladanaa jhagadana
vo jhuulon se girana vo gir ke sambhalana
vo piital ke chhallon ke pyare se tohfe
vo tuti hui chuudiyon ki nishaani

kabhi ret ke unche tilon pe jana
gharaunde bananaa banake mitaana
vo masum chahat ki tasir apani
vo khvabon khilaunon ki jaagir apani
na duniyaa kaa gam tha na rishton ke bandhan
badii khubasurat thi vo zindagaani

Tumko dekha to ye khayal Aya –

Tumko dekhaa to ye kayaal aayaa
zindagii dhuup tum ghanaa saayaa
tumako…

aaj phir dilane ek tamannaa kii – (2)
aaj phir dilako hamane samajhaayaa
zindagii dhuup tum ghanaa saayaa…

tum chale jaaoge to soche nge – (2)
hamane kyaa khoyaa- hamane kyaa paayaa
zindagii dhuup tum ghanaa saayaa…

ham jise gunagunaa nahii n sakate – (2)
vaqt ne aisaa giit kyuu n gaayaa
zindagii dhuup tum ghanaa saayaa…

Follow us on

GazalMehfil on Twitter GazalMehfil on Facebook Subscribe Daily Headlines GazalMehfil RSS Feeds Gazalmehfil On Mobile

Enter your email address:

Adverts

Adverts

Categories

Recent Posts

DISCLAIMER

This site has been created in appreciation of Hindi, Urdu gazals. & we are pleased to share this with all who love to listen them. If any of these gazals cause violation of the copyrights and is brought to my attention, I will remove the concerned gazals from the website promptly.

Tags

Networked Blogs

 

Visitor in the world.